سڌُ سماءَ واري وفاقي وزير فواد چوڌري جو چوڻ آهي ته وزير اعظم قومي سلامتي ڪميٽي جي اجلاس ۾ شرڪت لاءِ آيو پئي پر مخالف ڌر اڳواڻ شهباز شريف جو قومي اسيمبلي جي اسپيڪر ڏانهن پيغام ويو هو ته وزير اعظم ايندو ته هو اجلاس ۾ شرڪت نه ڪندو.
خانگي ٽي وي چينل جي پروگرام ۾ ڳالهائيندي فواد چوڌري جو چوڻ هو ته اسان جي دعا ۽ ڪوشش آهي ته افغانستان ۾ پر امن حڪومت قائم ٿئي، اسان ڪوشش ڪري رهيا آهيون ته افغانستان ۾ ڳالهيون ٿين.
سندس چوڻ هو ته طالبان جو حڪومت ۾ اچڻ ايترو سولو نه هوندو، اسان چاهيون ٿا ته افغان طالبان ۽ غني حڪومت ۾ ڳالهيون ٿين، 30 افغاني پاڪستان ۾ موجود آهن، وڌيڪ اچي ويا ته معاشي بهار وڌي ويندو.
