پاڪستان ۾ عالمي وبا ڪورونا وائرس سبب وڌيڪ 44 ڄڻا لاڏاڻو ڪري ويا ۽ ٻن مهين کان ڪورونا جا 4 هزار کان وڌيڪ ڪيس رپورٽ ٿيا آهن.
پاڪستان ۾ ڪورونا جا انگ اکر ٻڌائيندڙ ويب سائيٽ موجب گذريل 24 ڪلاڪن دوران سڄي ملڪ ۾ ڪورونا وائرس جون 52 هزار 291 ٽيسٽون ڪيون ويون جنهن مان 4119 ڄڻن ۾ وائرس جي تصديق ٿي جڏهن ته وائرس سبب 44 ڄڻا لاڏاڻو ڪري ويا.
پاڪستان ۾ آخري ڀيرو 21 مئي تي ڪورونا جا 4 هزار کان وڌيڪ ڪيس رپورٽ ٿيا هئا ۽ ان ڏينهن ملڪ ۾ ڪورونا سبب 88 فوتگيون به ٿيون.
سرڪاري پورٽل موجب ملڪ ۾ گذريل 24 ڪلاڪن دوران ڪورونا جي مثبت ڪيسن جي شرح 7.8 سيڪڙو رهي.
