بنگلاديش جي ٽيم آسٽريليا کي ٽين ٽي ٽوئنٽي ميچ ۾ به شڪست ڏئي 5 ميچن جي سيريز 0-3 تان پنهنجي نالي ڪري ورتي.
اهو پهريون ڀيرو آهي جو بنگلاديش جي ٽيم ڪنهن به فارميٽ جي سيريز ۾ آسٽريليا کي شڪست ڏني هجي.
جمعي ڏينهن ڍاڪا ۾ کيڏيل ميچ ۾ ميزبان ٽيم پهريان بيٽنگ ڪندي 20 اوورن ۾ 9 وڪيٽن جي نقصان تي 127 رنسون ٺاهيون، جنهن جي جواب ۾ آسٽريلوي ٽيم 4 وڪيٽن جي نقصان تي رڳو 117 رنسون ٺاهي سگهي.
بنگلاديش جي ٽيم ميچ ۾ 10 رنسن تان ڪاميابي ماڻي 5 ميچن جي سيريز 0-3 تان پنهنجي نالي ڪري ورتي.
آسٽريليا ۽ بنگلاديش جي ٽيمن وچ ۾ چوٿين ٽي ٽوئنٽي ميچ اڄ کيڏي پئي وڃي.
