سانگهڙ (رپورٽ عبدالجبار نظاماڻي ) ضلعي اليڪشن ڪمشنر سانگهڙ نعيم الرحمان پاران ضلعي ووٽرز ايجوڪيشن بابت ھڪ آگاهي سيمينار شهيد بينظير ڀٽو يونيورسٽي ڪيمپس سانگهڙ ۾ منعقد ڪيو ويو ، جنهن ۾ نديم اعواڻ ڊائريڪٽر ايڇ آر شهيد بينظير ڀٽو يونيورسٽي ڪئمپس سانگهڙ يونيورسٽي جي فيڪلٽي ميمبرن ۽ سمورن شاگردن حصو ورتو. سيمينار ۾ نعيم الرحمان ضلعي اليڪشن ڪمشنر سانگهڙ، يونيورسٽي جي سيمينار ۾ شرڪت ڪندڙن کي گذارش ڪئي ته اهي پنهنجو ۽ پنهنجي خاندان جي اهڙن ڀاتين جن وٽ شناختي ڪارڊ ناهن اهي ڪارڊ ٺهرائن ۽ پنهنجا ووٽ رجسٽر ڪرائين ۽ اليڪشن واري ڏينهن ووٽ جو حق استعمال ڪن. هن سيمينار جي شرڪت ڪندڙن کي يقين ڏياريو ته اليڪشن ڪميشن ووٽرن خاص طور تي عورتن جي حقن لاءِ ڪم ڪندي ۽ سندن شناختي ڪارڊ ٺهرائڻ ۽ سندن ووٽن جي رجسٽريشن ۾ هر ممڪن تعاون ڪندي. ان سلسلي ۾ هڪ آگاهي مهم شروع ڪئي وئي آهي ۽ ايم آر وي جي سهولت نادرا پاران گهربل علائقن ۾ مهيا ڪئي پئي وڃي.
