سپريم ڪورٽ سرڪاري نوڪرين ۾ اقليتن جي 30 هزار خالي جاين تي سخت ڪاوڙ جو اظهار ڪيو آهي.
چيف جسٽس آف پاڪستان جسٽس گلزار احمد جي سربراهي ۾ سپريم ڪورٽ جي 3 رڪني بئنچ رحيم يار خان مندر حملي تي پاڻمرادي نوٽيس ڪيس جي ٻڌڻي ڪئي.
ون مين ڪميشن چيئرمين شعيب سڊل عدالت کي ٻڌايو ته اقليتن لاءِ سرڪاري نوڪرين ۾ 5 سيڪڙو ڪوٽا رکيل آهي، اقليتن جي رکيل سرڪاري نوڪري ڪوٽا ۾ هندن، عيسائين، سکن ۽ ٻين بابت وضاحت ناهي، هن وقت سڄي ملڪ ۾ اقليتن جون 30 هزار سرڪاري جايون خالي آهن.
سپريم ڪورٽ خالي جاين تي ڪاوڙ جو اظهار ڪندي ريمارڪس ڏنا ته عدالت کي ٻڌايو ويو آهي وفاق، پنجاب، خيبر پختونخواهه ۽ بلوچستان حڪومتون اقليتن جي ڪوٽا تي ڀرتيون نه پيون ڪن، وفاقي حڪومت ۽ صوبائي چيف سيڪريٽري ون مين ڪميشن سان سهڪار ڪري، لاڳاپيل اختياريون اقليتن جي نوڪرين بابت معاملن تي جلد قدم کڻي رپورٽ جمع ڪرائن.
