وزيراعظم عمران خان چيو آهي ته حڪومت غريب طبقي تي بار گهٽ ڪرڻ لاءِ هر ممڪن قدم کڻي رهي آهي، احساس راشن، ڪامياب پاڪستان، هاري ڪارڊ ۽ ٻيا پروگرام غريبن کي رليف لاءِ جاري ڪيا.
وزيراعظم عمران خان جي صدارت هيٺ پرائس ڪنٽرول تي اجلاس ٿيو، جنهن ۾ وفاقي وزيرن حماد اظهر، فواد چوڌري، خسرو بختيار، فخر امام، فروغ نسيم، صلاحڪارن شوڪت ترين، شهزاد اڪبر ۽ شهباز گل سميت ٻين شرڪت ڪئي، جڏهن ته ايف بي آر چيئرمين، چيف سيڪريٽري پنجاب، بلوچستان ۽ خيبر پختونخواهه ويڊيو لنڪ ذريعي شريڪ ٿيا.
اجلاس ۾ کنڊ جي اسٽاڪ ۽ اگهن جي حوالي سان تفصيلي بريفنگ ڏني وئي، جنهن ۾ ٻڌايو ويو ته هن وقت ملڪ ۾ کنڊ وڏي مقدار ۾ موجود آهي، سنڌ جي شگر ملن جي بندش جي فيصلي سان اگهه وڌيا آهن.
