انسٽاگرام، فيس بوڪ کانپوءِ سڀ کان وڌيڪ استعمال ٿيندڙ سوشل ميڊيا پليٽ فارم آهي جنهن کي استعمال ڪندڙن جي انگ ۾ هر ڏينهن واڌ رڪارڊ ڪئي پئي وڃي.
انسٽاگرام کي انوکو بڻائڻ ۽ ان جي استعمال ۾ وڌيڪ واڌ ڪرڻ جي لاءِ انتظاميا طرفان نوان فيچر متعارف ڪرايا ويندا آهن.
تازو ئي انسٽاگرام طرفان 2 نوان فيچر متعارف ڪرايا ويا آهن جن مان هڪ فيچر ٽيڪسٽ ٽو اسپيچ آهي ۽ ٻيو وائيس ايفيڪٽس نالي فيچر آهي.
ٽيڪسٽ ٽو اسپيچ وڊيوز جي لاءِ روبوٽڪ وائيس اوور جي سهولت فراهم ڪندو آهي.
ان فيچر ۾ جڏهن ڪو به واهپيدار پنهنجي وڊيو تي ٽيڪسٽ ٽائپ ڪندو ته ان کي هڪ آٽو جنريٽڊ وائيس جي سهولت موجود هوندي جيڪا ان لکت کي وڏي آواز ۾ پڙهندي.
واهپيدار کي وڊيو کي پوسٽ ڪرڻ کان اڳ 2 وائيس آپشن موجود هوندا.
انکانسواءِ ريلز جي لاءِ وائيس ايفيڪٽس نالي فيچر ڪيئيٽرز کي پنهنجو آواز اوچو ڪرڻ ۾ مدد ڏيندو.
ان مقصد جي لاءِ انهن کي ڪيترائي آپشن موجود هوندا ۽ اهي پنهنجي آواز کي پنهنجي پسند موجب مٽائي سگهندا.
