ڀارتي اداڪارا لارا دتا انڪشاف ڪيو آهي ته سندس ڌيءَ جي واتان طلاق جو لفظ ٻُڌي گهٻراهٽ جو شڪار ٿي وئي هئي.
ناليواري ڀارتي اداڪارا لارا دتا هڪ انٽرويو ۾ انڪشاف ڪيو آهي ته جڏهن منهنجي ڌيءَ رڳو 4 سالن جي هئي ته هن طلاق جو لفظ استعمال ڪيو هو جنهن جي ڪري مونکي تڪليف محسوس ۽ مونکي لڳو ته دل جو دورو پوڻ وارو آهي.
هن واقعي جا تفصيل ٻڌائيندي چيو ته هڪ ڏينهن مان پنهنجي گهريلو ڪم ڪار ۾ مصروف هئس ته منهنجي ڀر ۾ ويٺل منهنجي ڌيءَ جيڪا راند کيڏي رهي هئي ان دوران هن چيو ته مونکي طلاق ٿي وئي آهي ۽ مان گهر ڇڏي وڃي رهي آهيان، هي تنهنجو گهر آهي ۽ منهنجو گهر هُو آهي.
لارا دتا چيو ته مان هڪ دم وائڙي ٿي وئي هيس ۽ ڌيءَ کان پڇا ڪئي ته اهو تون ڇا پئي چئين؟ اهو سڀ ڪجهه توکي ڪنهن ٻڌايو، هن چيو ته مونکي پاپا ٻڌايو آهي ته ماڻهن جي شادي ۾ جڏهن مسئلا ٿي ويندا آهن ته اهي گڏ رهڻ جي بدران طلاق وٺي الڳ رهڻ شروع ڪندا آهن.
هن چيو ته مان پنهنجي مڙس کي گهرايو ۽ کيس چيو ته هِن اهڙي بڪواس ڇو پيو سيکاري جنهن تي هو کِلڻ لڳو ۽ چيو ته هڪ ويب سيريز ڏسي رهيو هئس جنهن ۾ ڇوڪري جي ٻئي شادي ٿي رهي هئي جنهن ۾ هن طلاق جو لفظ استعمال ڪيو ۽ ڌيءَ مونسان ضد ڪيو ته طلاق جو مطلب ٻڌا جنهن تي مونکي کيس سمجهايو.
