پاڪستان پيپلز پارٽي جي چيئرمين بلاول ڀٽو زرداري پنهنجي شهيد ماءُ کي ياد ڪندي چيو آهي ته بينظير ڀٽو هڪ مثالي عالمي اڳواڻ هئي. بلاول ڀٽو چيو ته بينظير ڀٽو جمهوريت لاءِ تاريخي جدوجهد ڪئي، قوم بينظير ڀٽو کي ڪڏهن به وساري نٿي سگهي.
بينظير ڀٽو جي 14هين شهادت واري ڏهاڙي تي پنهنجي پيغام ۾ بلاول ڀٽو زرداري چيو ته اڄ اهو عهد ڪرڻ جو ڏينهن آهي ته پاڪستان مان دهشتگردي ۽ انتها پسندي جو خاتمو ڪنداسين ۽ جمهوريت جي مضبوطي، آئين ۽ پارليامينٽ جي بالادستي ۽ معاشرتي مساوات جي لاءِ جدوجهد جاري رکنداسين.
پاڪستان پيپلز پارٽي هميشه غريب عوام لاءِ پاڻ پتوڙيو آهي. عوام جو ساٿ هميشه پ پ سان رهيو آهي.
