جڳ مشهور ڀارتي گلوڪارا لتا منگيشڪر لاڏاڻو ڪري وئي.
ڀارتي ميڊيا ڪيترن ئي مهينن کان اسپتال ۾ علاج هيٺ گلوڪارا جي لاڏاڻي کي تصديق ڪري ڇڏي آهي.
1929ع ۾ ڄاول 92 ورهين جي گلوڪارا کي ڪورونا وائرس ۾ مبتلا هجڻ سبب 9 جنوري کان ممبئي جي بريچ ڪينڊي اسپتال ۾ داخل ڪرايو ويو هو جتي هو علاج هيٺ رهي.
گذريل ڏينهن لتا منگيشڪر جي طبيعت خراب ٿيڻ سبب کيس ٻيون ڀيرو آءِ سو يو منتقل ڪيو ويو هو پر هوءَ صحتمند نه ٿي سگھي.
ڀارتي ميڊيا موجب لتا منگيشڪر مختلف عضون ڪم ڪرڻ ڇڏي ڏنو هو ۽ هوءَ ڪيترن ئي هفتن کان وينٽيليٽر تي هئي.
ٻه ڏينهن قومي سوڳ جو اعلان
لتا منگيشڪر جي لاڏاڻي تي ڀارت ۾ ٻه ڏينهن قومي سوڳ جو اعلان ڪيو ويو آهي ۽ لتا منگيشڪر جي ياد ۾ ڀارتي جهنڊو به ٻه ڏينهن نه ڦڙڪايو ويندو.
