پنجاب اسيمبلي اسپيڪر چوڌري پرويز الاهي گذريل ڏينهن انٽرويو ۾ ڏنل پنهنجي بيان جي وضاحت ڪري ڇڏي.
ق ليگ اڳوان طرفان جاري ڪيل بيان ۾ چيو ويو آهي ته اسان اتحادي آهيون ۽ الڳ جماعت آهيون، جماعتن اندر مختلف رايا هوندا آهن ۽ فيصلا گڏيل مشاورت سان ڪيا ويندا آهن.
هن چيو ته وزيراعظم ايماندار آهي ۽ ان جي نيت به سٺي آهي، اسان نه حڪومت ڇڏي آهي ۽ نه اپوزيشن کي جوائن ڪيو آهي.
سندس چوڻ هو ته حڪومت جو حصو آهيون ۽ هر ڏکئي وقت ۾ حڪومت جو ساٿ ڏنو آهي، عوامي مسئلن جي نشاندهي اڄ نه پهرئين ڏينهن کان ڪري رهيا آهيون.
پرويز الاهي چيو ته اتحادين کي اعتماد ۾ وٺي هلي ته حڪومت جو پنهنجو فائدو آهي.
واضح رهي ته گذريل ڏينهن هڪ انٽرويو ۾ پنجاب اسيمبلي اسپيڪر چيو هو ته اڃا تمام گهڻا سرپرائز اچڻ وارا آهن، حڪومت کي اها به خبر ناهي ته ڪير انهن سان گڏ آهي ۽ ڪير نه، هن وقت ڪو به اتحادي 100 سيڪڙو حڪومت سان گڏ ناهي.
