وفاقي ڪابينا سفارتي سائفر بابت ليڪ ٿيندڙ آڊيوز تي اڳوڻي وزيراعظم عمران خان، سندس ساٿي وزيرن ۽ اڳوڻي پرنسپل سيڪريٽري اعظم خان خلاف قانوني ڪارروائي جي باضابطا طور منظوري ڏئي ڇڏي.
ڪابينا ”ڊپلوميٽڪ سائفر“ بابت آڊيو ليڪ تي ايف آءِ اي ذريعي جاچ ۽ قانوني ڪارروائي جي منظوري ڏني آهي، ڪابينا 30 سيپٽمبر تي عمران خان جي سائفر بابت آڊيو ليڪ تي ڪابينا ڪميٽي جوڙي هئي، ڪابينا ڪميٽي پهرين آڪٽوبر تي اجلاس ۾ قانوني ڪارروائي جي سفارش ڪئي.
ڪابينا ڪميٽي جي سفارشن کي سمري جي شڪل ۾ ڪابينا جي منظوري لاءِ پيش ڪيو ويو، جنهن کانپوءِ وفاقي ڪابينا ”سرڪوليشن“ ذريعي ڪابينا ڪميٽي جي سفارشن جي منظوري ڏني.
