روسي زالن ۽ مائرن جي هڪ گروپ صدر ولاديمير پوتن تي زور ڀريو آهي ته هو پنهنجن مڙسن ۽ پٽن کي مناسب تربيت يا سامان کانسواءِ حملي آور گروپن ۾ قتل ٿيڻ لاءِ موڪلڻ بند ڪري.
آزاد روسي ٽيليگرام چينل سوٽا پاران شيئر ڪيل هڪ وڊيو ۾، عورتن چيو ته انهن جي پيارن کي مارچ جي شروعات ۾ حملي آور گروپن ۾ شامل ٿيڻ تي مجبور ڪيو ويو، جيتوڻيڪ اهي سيپٽمبر کان متحرڪ نه ٿيا هئا، بعد ۾ انهن کي صرف چار ڏينهن جي تربيت ڏني وئي.
وڊيو ۾ ڏسي سگهجي ٿو ته عورتن روسي زبان ۾ سائن بورڊ هٿ ۾ کنيو آهي، رڪارڊنگ ۾ موجود هڪ عورت جو چوڻ آهي ته اسان جي ڪارڪنن (مردن) کي رڍن وانگر ذبح ڪرڻ لاءِ موڪليو پيو وڃي ته جيئن اهي قلعي وارن علائقن ۾ ڍال بڻجي سگهن.
هن چيو ته هو پنهنجي ملڪ جي خدمت لاءِ تيار آهن، پر جيڪا انهن تربيت حاصل ڪئي، انهيءَ جي مهارت جي بنياد تي ڪم ورتو وڃي.
عورتن چيو ته اسان توهان کي گذارش ڪريون ٿا ته اسان جي ماڻهن کي واپس گهرايو وڃي ۽ آرٽلري وارن کي توپخاني ۽ گولا بارود فراهم ڪيو وڃي.
يوڪرين ۾ وڙهڻ لاءِ هزارين ماڻهن کي موڪلڻ لاءِ روس جي قدمن احتجاج کي جنم ڏنو آهي، ڪيترن ئي روسين، خاص طور تي نوجوان ماڻهن کي ملڪ مان ڀڄڻ تي مجبور ڪيو آهي.
