آءِ جي پنجاب ڊاڪٽر عثمان انور پي ٽي آءِ چيئرمين عمران خان جي رهائشگاهه تي آپريشن جو دفاع ڪندي چيو آهي ته عدالتي حڪم تي قانوني ڪارروائي ڪئي وئي.
پنجاب جي نگران اطلاعات واري وزير عامر مير سان گڏ پريس ڪانفرنس ڪندي آءِ جي پنجاب جو چوڻ هو ته پوليس جي گاڏين تي پيٽرول بم اڇلائڻ ۾ ملوث شرپسندن جا سرچ وارنٽ حاصل ڪيا ويا.
هن وڌيڪ چيو ته سرچ وارنٽ واري معاملي تي پي ٽي آءِ قيادت سان به ڳالهه ٻولهه ڪئي وئي، زمان پارڪ مان پيٽرول بم ۽ هٿيار هٿ ڪيا ويا.
آءِ جي پنجاب وڌيڪ چيو ته گرفتار اهلڪارن کي اي ٽي سي ڪورٽ ۾ پيش ڪيو ويندو، مان خاطري ڪرايان ٿو ته گرفتار ٿيلن سان ڪابه زيادتي نه ڪئي ويندي، ڪنهن به بيگناهه کي گرفتار نه ڪيو ويو آهي.
