لاهور : پاڪستان سپر ليگ (پي ايس ايل) جي فائنل ۾ لاهور قلندرز ملتان سلطانز کي هڪ رنس تان شڪست ڏئي ٽائيٽل جو ڪاميابي سان دفاع ڪرڻ واري پهرين ٽيم بڻجي وئي آهي.
201 رنسن جي تعاقب ۾ ملتان سلطانز حدف جي بلڪل ويجهو آئي، پر هڪ رنسن تان هارائي وئي، لاهور قلندرز پهرين ٽيم بڻجي وئي جنهن پي ايس ايل ٽائيٽل جو ڪاميابي سان دفاع ڪيو.
ڊيوڊ ويز اننگز جي چوٿين اوور ۾ اوپنر عثمان خان کي آئوٽ ڪري ڇڏيو، ساڄي هٿ جي بيٽسمين 12 بالن تي 18 رنسون اسڪور ڪيون.
شروعاتي شڪست باوجود ملتان سلطانز گهربل رن ريٽ برقرار رکڻ کي يقيني بڻايو ۽ رلي روسو ۽ محمد رضوان 42 بالن تي 64 رنسن جي شاندار پارٽنرشپ قائم ڪئي.
راشد خان روسو کي آئوٽ ڪيو ته بيٽسمين قلندرز کان ميچ کٽڻ جي ڪوشش ڪئي، ڏکڻ آفريڪي بيٽسمين 32 بالن تي 52 رنسون اسڪور ڪيون.
راشد خان پنهنجي آخري اوور ۾ ٻيهر وڪيٽ ورتي، جنهن جي نتيجي ۾ رضوان 23 بالن تي 34 رنسون ٺاهي آئوٽ ٿي ويو.
ڊيوڊ ويز شاندار فيلڊنگ ڪئي، جنهن بال کي ڪيچ ڪيو، پنهنجو توازن برقرار رکيو ۽ پوءِ رسي تي قدم رکڻ کان اڳ بال کي واپس هوا ۾ اڇلائي پاڻ کي واپس بائونڊري اندر وٺي ويو.
شاهين شاهه آفريدي پهرئين ٻن اوورن ۾ 34 رنسون ڏنيون ۽ ٻئي اسپيل ۾ واپسي ڪندي خطرناڪ ڪيرون پولارڊ جي وڪيٽ حاصل ڪئي، ويسٽ انڊيز جي آل رائونڊر 16 بالن تي 19 رنسون ٺاهيون.
شاهين شاهه آفريدي پنهنجي آخري اوور ۾ 3 وڪيٽون وٺي پنهنجي ٽيم کي ميچ کٽڻ لاءِ مضبوط پوزيشن ۾ آڻي ڇڏيو.
حارث رئوف آخري اوور ۾ 22 رنسون ڏئي ميچ جي دلچسپ پڄاڻي کي يقيني بڻائي ڇڏيو، هن ميچ جي آخري اوور ۾ پنهنجي ٽيم کي لائن مٿان آڻڻ لاءِ پنهنجي ڪوشش برقرار رکي.
ان کان اڳ قلندرز مقرر 20 اوورن ۾ 6 وڪيٽن جي نقصان تي 200 رنسون ٺاهيون، تيز شروعات کانپوءِ پهرين ٽن اوورن ۾ 34 رنسون تي اوپنر طاهر بيگ تيز شارٽ بال تي احسان الله جي هٿان آئوٽ ٿي ويو، ساڄي هٿ جي بيٽسمين 18 بالن تي 30 رنسون اسڪور ڪيون.
وڪيٽ ۽ سٺي بالنگ ملتان سلطانز کي رنسن جو وهڪرو روڪڻ ۾ مدد ڪئي ۽ لاهور 10 اوورز ۾ هڪ وڪيٽ جي نقصان تي 82 رنسن تي پهچي ويو.
فخر زمان ۽ عبدالله شفيق ٻي وڪيٽ لاءِ 38 بالن تي 57 رنسون ٺاهيون، پر جڏهن هنن اسڪورنگ ريٽ وڌائڻ جو فيصلو ڪيو ته ملتان سلطانز 4 وڪيٽون حاصل ڪري بيٽنگ ڪندڙ ٽيم جي رٿابندي کي ناڪام بڻائي ڇڏيو.
ليگ اسپنر اساما مير پنهنجي پهرين ٻن اوورن ۾ 3 وڪيٽون ورتيون، جنهن ۾ زمان (39)، سام بلنگز (9) ۽ احسن حفيظ (0) شامل هئا.
ان دوران خوشدل شاهه سڪندر رضا (1) کي آئوٽ ڪيو، جيڪو سلپ ٿي اسٽمپ سان ٽڪرائجي ويو، لاهور جي مشڪلاتن کي نظر ۾ رکندي ڪپتان شاهين شاهه آفريدي ميدان ۾ آيو ۽ ملتان جي بالرز کي دلچسپ شاٽ هنيا.
هو 15 بالن تي 44 رنسون ٺاهي ناٽ آئوٽ رهيو، جنهن ۾ ٻه ڇڪا ۽ 5 چوڪا شامل هئا، شفيق به تيز رفتاري سان کيڏڻ شروع ڪيو ۽ 40 بالن تي 8 چوڪن ۽ 2 ڇڪن جي مدد سان 65 رنسون ٺاهيون.
ملتان سلطانز طرفان اساما مير 3 اوورن ۾ 24 رنسون ڏئي 3 وڪيٽون ورتيون.
ڪواليفائرز ۾ ملتان سلطانز قلندرز کي شڪست ڏئي فائنل ۾ پهتو، جڏهن ته لاهور قلندرز پشاور زلمي کي شڪست ڏئي چيمپيئن شپ لاءِ ڪواليفاءِ ڪيو.
