پاڪستان ڪرڪيٽ بورڊ (پي سي بي) مئنيجمينٽ ڪميٽي جي چيئرمين نجم سيٺي چيو آهي ته نيوزيلينڊ خلاف ٽي ٽوئنٽي ۽ ون ڊي سيريز جي شيڊول ۾ ڪجهه تبديليون ڪيون وينديون.
قذافي اسٽيڊيم ۾ پريس ڪانفرنس ڪندي نجم سيٺي چيو ته پنجاب ۾ عام چونڊن سبب شيڊيول ۾ ٿوري تبديلي ڪئي ويندي.
واضح رهي ته نيوزيلينڊ جي ٽيم 13 اپريل کان 7 مئي تائين ڪراچي، لاهور ۽ راولپنڊي ۾ 5 ٽي ٽوئنٽي ۽ ايتريون ون ڊي ميچون کيڏندي.
پنجاب ۾ 30 اپريل تي عام چونڊون ٿيڻ سبب شيڊيول ۾ ٿوري تبديلي ڪئي ويندي.
نجم سيٺي چيو ته نيوزيلينڊ خلاف سيريز وقت تي ٿيندي، سيريز ڪراچي کان شروع ٿيڻي هئي ۽ بعد ۾ لاهور ۽ راولپنڊي منتقل ٿيڻي هئي.
هن انڪشاف ڪيو ته هاڻي ڪجهه تبديليون ٿينديون، تفصيل جو اعلان ايندڙ هفتي ڪنداسين.
