سنڌ صوبي جي 15 ضلعن ۾ مڪاني چونڊن جا غير سرڪاري نتيجا اچي ويا آهن،جن ۾ پاڪستان پيپلز پارٽي (پي پي پي) اڪثريت سان ڪاميابي ماڻي آهي.
مختلف پولنگ اسٽيشنن تي سڄو ڏينهن ڇڪتاڻ ۽چڪريون ٿينديون رهيون، ووٽنگ جو عمل صبح 8 وڳي شروع ٿيو، جيڪو بنا ڪنهن وقفي جي شام 5 وڳي تائين جاري رهيو.
چيئرمين، وائيس چيئرمين، ميمبر ضلعي ڪائونسل ۽ جنرل ميمبرن جي 90 ڪيٽيگريز لاءِ چونڊون ڪرايون ويون.
59 مان 46 سيٽن لاءِ غير حتمي غير حتمي نتيجا اچي چڪا آهن، پيپلز پارٽي چيئرمين ۽ وائيس چيئرمين جي 16 مان 8 سيٽن تي ڪاميابي حاصل ڪئي، جڏهن ته 2 سيٽون جي ڊي اي وٽ ويون ۽ 2 آزاد اميدوار ڪامياب ٿيا.
قمبر شهداد ڪوٽ جي يوسي باگوديرو جي سيٽ تي آزاد اميدوار سليم چانڊيو جو پينل کٽي ويو.
ٻئي طرف پيپلز پارٽي ڪوٽ ڏيجي ٽائون ڪميٽي وارڊ 5 جي چيئرمين ۽ شڪارپور ضلعي ڪائونسل ميمبر جي عهدي تي ڪاميابي حاصل ڪئي، شڪارپور مان جنرل ميمبر جي عهدي تي پ پ جي محمد عمر بروهي ڪامياب ٿيو.
