هالي ووڊ جي مشهور هدايتڪار ڊيڪسٽر فليچر بالي ووڊ ڪنگ شاهه رخ خان جي مشهور فلم جو سيڪوئل ٺاهڻ جي خواهش ظاهر ڪئي آهي.
رپورٽن مطابق هالي ووڊ هدايتڪار ڊيڪسٽر فليچر جيڪو هن وقت پنهنجي ايندڙ فلم ”گھوسٽڊ“ جي پروموشن ۾ مصروف آهي، بالي ووڊ فلم جي هدايتڪاري جي خواهش ظاهر ڪئي آهي.
هڪ تازي انٽرويو ۾ ڊيڪسٽر فليچر کان پڇيو ويو ته ڇا هو بالي ووڊ فلم جي هدايتڪاري ڪرڻ چاهيندو، جنهن تي سندس تڪڙو جواب هو ته شاهه رخ خان جي فلم ”ڪل هو نا هو“ جو سيڪوئل ٺاهيو وڃي.
هن چيو ته مان ڪل هو نا هو 2 جي هدايتڪاري ڪرڻ چاهيان ٿو، مون کي ان ۾ ڪم ڪرڻ ۾ مزو ايندو، اهو هڪ بهترين تجربو هوندو.
واضح رهي ته 2003ع ۾ ڪرن جوهر جي لکيل ۽ نخل ايڊواڻي جي هدايتڪاري ۾ ٺهندڙ فلم ’ڪل هو نه هو‘ ٻه نيشنل ايوارڊ ۽ 8 فلم فيئر ايوارڊ ماڻيا هئا، جنهن ۾ شاهه رخ خان، پريتي زنٽا ۽ سيف علي خان مرڪزي ڪردار ادا ڪيو هو.
