لاهور: پاڪستاني اداڪارا ماهره خان چيو آهي ته فنڪار پنهنجن خيالن جي ڪري ماڻهن جي تنقيد جو سڀ کان آسان هدف بڻجي ويندا آهن.
تازو ئي هڪ انٽرويو ۾ اداڪارا چيو ته سوشل ميڊيا تي جيڪڏهن ڪو عام ماڻهو پنهنجي راءِ شيئر ڪندو آهي ته ان کي سٺي موٽ نه ملندي آهي، پر جيڪڏهن مان يا منهنجو ڪو ساٿي فنڪار پنهنجي راءِ پيش ڪري ٿو ته پوءِ اسان ماڻهن جي تنقيد جو آسان نشانو بڻجي ويندا آهيون، ڇو ته اسان جو بيان ميڊيا ۾ سرخيون حاصل ڪري ٿو.
هن چيو ته مان ان صورتحال جو ذميوار ڪنهن کي به نه چوندس، هر ڪنهن کي پنهنجي راءِ سان بيهڻ جو حق آهي.
ماهره خان چيو ته جڏهن مان پنهنجو خيال يا تاثر سوشل ميڊيا تي شيئر ڪندي آهيان ته منهنجي ماءُ چوندي آهي ته تو ائين ڇو ڪيو؟ ڇا توهان کي اسان جي پرواهه ناهي ۽ توهان کي پنهنجي ٻارن جي پرواهه ناهي؟
اداڪارا چيو ته مان سمجهان ٿي ته اسان کي سوشل ميڊيا کان بريڪ وٺڻ گهرجي، جڏهن مان سوشل ميڊيا تان بريڪ وٺان ٿي ته ان جو مطلب آهي ته مان هاڻي سٺي حالت ۾ ناهيان ۽ مون کي آرام ڪرڻ لاءِ وقت گهرجي.
