افغانستان جي وقتي پرڏيهي وزير امير خان متقي چيو آهي ته اسان ڪنهن به صورت ۾ پاڪستان جي سرزمين تي خونريزي ۽ عدم تحفظ نٿا چاهيون.
هڪ بيان ۾ امير خان متقي چيو ته افغانستان جي طالبان حڪومت ٽي ٽي پي ۽ داعش جي خاتمي لاءِ پنهنجون ذميواريون پوريون ڪيون آهن.
امير خان متقي جو چوڻ آهي ته پاڪستان ۾ گذريل 20 سالن ۾ دهشتگردي سبب 80 هزار جانيون ضايع ٿيون، ان دوري ۾ سڪيورٽي صورتحال تي به خيالن جي ڏي وٺ ڪئي وئي.
هن چيو ته ٽي ٽي پي ۽ پاڪستاني اختيارين کي گذارش آهي ته گڏجي ويهن ۽ ڳالهه ٻولهه ڪن، پاڪستان ۽ افغانستان کي مسئلن جي حل لاءِ لچڪ ڏيکاريندي روشن مستقبل ڏانهن وڌڻو پوندو.
وقتي پرڏيهي وزير جو چوڻ آهي ته افغانستان پاڪستان، ايران، ترڪي، سعودي عرب ۽ قطر سان سٺا لاڳاپا قائم ڪري رهيو آهي، ازبڪستان، سمرقند ۽ پاڪستان جو دورو اسان جي سٺن لاڳاپن جو مثال آهي.
انهن جو چوڻ آهي ته هو افغانستان ۾ ڪرنسي کي مستحڪم ڪرڻ سان روزگار وڌائي رهيا آهن.
