بنگلاديش جي پرڏيهي وزارت آمريڪي پرڏيهي وزير طرفان بنگلاديش ۾ آزاد ۽ شفاف چونڊن لاءِ نئين ويزا پاليسي جي اعلان تي هڪ بيان جاري ڪيو.
بنگلاديش جي پرڏيهي وزارت جو چوڻ آهي ته چونڊن ۾ غير قانوني سرگرمين يا مداخلت کي روڪڻ لاءِ قدم کنيا ويندا، چونڊ عمل عالمي مبصرن جي موجودگي ۾ ٿيندو.
ملڪ جي اپوزيشن پارٽي به بنگلاديش لاءِ آمريڪا جي نئين ويزا پاليسي تي رد عمل ظاهر ڪيو آهي.
مخالف ڌر جو چوڻ آهي ته دنيا سمجهي رهي آهي ته حسينه واجد جي حڪومت ۾ آزاد ۽ شفاف چونڊون ممڪن ناهن.
پرڏيهي ميڊيا موجب بنگلاديش ۾ ايندڙ چونڊون جنوري 2024ع ۾ ٿينديون.
