لنڊن جي خوبصورت هنڌن تي فلمايل سسپينس سان ڀرپور رومانوي اردو فيچر فلم ”ديوانه“02 جون تي ڪراچي، لاهور، اسلام آباد سميت سڄي ملڪ ۾ رليز ڪئي ويندي.
ڊسٽري بيوشن ڪلب پاران پيش ڪيل فلم ”ديوانا“ ۾ مشهور فنڪار عدنان خان ۽ باصلاحيت فنڪاره زارا اڪبر مرڪزي ڪردار ادا ڪيو آهي.
فلم جو ليکڪ ۽ هدايتڪار شفيق الرحمان آهي جڏهن ته فلم جي موسيقي مشهور ڪمپوزر ايم ارشد ترتيب ڏني آهي.
گوندل فلمز جي بينر هيٺ ٺهندڙ هيءَ فلم سسپنس، رومانس ۽ ڪاميڊي سان ڀرپور آهي، جنهن ۾ پاڪستان کان علاوه برطانوي فنڪارن به پنهنجي فن جا جوهر ڏيکاريا آهن.
ڊسٽريبيوشن ڪلب جي ايگزيڪيوٽو ڊائريڪٽر عابد رشيد جو چوڻ آهي ته فلم ”ديوانا“ سسپنس، ايڪشن ۽ جاندار ڪهاڻي تي ٻڌل آهي، جنهن ۾ سمورن فنڪارن ڀرپور دل سان پرفارم ڪيو آهي.
