لاهور ۾ جهانگير ترين جهڙي گروپ جي سياسي اڳواڻن جو اجلاس ٿيو، جنهن ۾ جهانگير ترين، عون چوڌري، آزاد ڪشمير جي اڳوڻي وزيراعظم سردار تنوير الياس ۽ ٻين شرڪت ڪئي.
ان کانسواءِ اجلاس ۾ ملڪ نعمان لنگڙيال، مهر نواز ڀرواڻي، ملڪ غلام رسول سنگهه، لالا طاهر رنڌاوا، اڳوڻو صوبائي وزير اجمل چيما ۽ فيصل جبواڻي پڻ شرڪت ڪئي.
ملاقات ۾ ملڪ جي موجوده سياسي صورتحال ۽ مستقبل جي سياسي حڪمت عملي تي خيالن جي ڏي وٺ ڪئي وئي.
جهانگير ترين سان ملاقات کانپوءِ ميڊيا سان ڳالهائيندي آزاد ڪشمير جي اڳوڻي وزيراعظم سردار تنوير الياس چيو ته جهانگير ترين سان گڏجي اڳتي وڌڻ جو فيصلو ڪيو ويو آهي.
هن چيو ته مشاورت جاري آهي، ڪو گروپ نه هوندو، سڀ گڏجي اڳتي وڌندا.
سردار تنوير الياس جو چوڻ آهي ته ملڪ جي معاشي صورتحال ڳڻتي جوڳي آهي، جيڪي شيون ملڪي مفاد ۾ آهن انهن کي اڳتي وڌايو ويندو، ايندڙ ڏينهن ۾ سٺيون خبرون ٻڌڻ ۾ اينديون.
