مشهور پاڪستاني اداڪاره يمني زيدي تي سندس ڪردار ”ميرب“ جي مداحن طرفان تحفن جي برسات ڪئي وئي آهي.
اداڪاره يمنا زيدي جيو انٽرٽينمينٽ جي ڊرامي سيريل ”تيري بن“ ۾ اداڪار وهاج علي جي مقابلي ۾ ”ميرب“ جو مرڪزي ڪردار ادا ڪري شهرت جي نئين بلندين تي پهچي وئي آهي.
ڪيترين ئي رپورٽن موجب ڊرامي سيريل ”تيري بن“ کي پاڪستان سميت ٻين ڪيترن ئي ملڪن ۾ وڏي دلچسپي سان ڏٺو پيو وڃي.
هن ڊرامي جي شروعات کان وٺي هن وقت تائين هر قسط نشر ٿيڻ کان پوءِ مائيڪرو بلاگنگ ويب سائيٽ ٽوئيٽر تي وهاج ۽ يمنا جا نالا ٽرينڊ ٿي رهيا آهن.
ڊراما سيريلز ”تيري بن“ ۽ ”ميرب“ سان محبت جو اظهار ڪرڻ لاءِ مداحن ۽ سوشل ميڊيا پيج ايڊمنز يمنا زيدي کي خوبصورت تحفو موڪليو آهي.
