آسٽريليا ڀارت کي شڪست ڏئي آءِ سي سي ورلڊ ٽيسٽ چيمپيئن شپ کٽي ورتي.
لنڊن جي اوول ڪرڪيٽ گرائونڊ ۾ کيڏيل فائنل ميچ ۾ آسٽريليا ڀارت کي 209 رنسن تان شڪست ڏئي ڇڏي.
ميچ ۾ آسٽريليا ٽاس کٽي 469 رنسون ٺاهيون پر ڀارتي ٽيم پنهنجي پهرين اننگز ۾ 296 رنسون ٺاهي سگهي.
آسٽريليا پنهنجي ٻي اننگز 270 رنسن تي 8 رانديگرن تي ڊڪليئر ڪري ڀارت کي 444 رنسن جو ٽارگيٽ ڏنو.
ڀارتي ٽيم هدف جو پيڇو ڪرڻ ۾ محتاط شروعات ڪئي ۽ چوٿين ڏينهن جي راند ختم ٿيڻ تائين 3 رانديگرن جي نقصان تي 163 رنسون ٺاهي ورتيون.
پنجين ڏينهن آسٽريلوي بالرز جي سامهون ڀارتي بيٽسمين بيهي نه سگهيا ۽ پوري ٽيم 234 رنسن تي ڍير ٿي وئي.
واضح رهي ته ان کان اڳ 2021 ۾ ورلڊ ٽيسٽ چيمپيئن شپ جي فائنل ۾ ڀارت کي نيوزيلينڊ هٿان شڪست جو منهن ڏسڻو پيو هو.
