پاڪستان شوبز انڊسٽري جي عالمي شهرت يافته اداڪارا سجل علي ۽ ڊراما سيريل ”تيري بن“ جو هيرو اداڪار وهاج علي جلد گڏ نظر ايندا.
مائيڪرو بلاگنگ سائيٽ ٽوئيٽر تي اڪانشا نالي هڪ صارف اداڪار وهاج علي ۽ اداڪارا سجل علي کي ٽيگ ڪيو ۽ سندن ايندڙ پروجيڪٽ بابت پڇيو.
صارف سوال ڪيو ته ڪنهن کي خبر آهي ته وهاج علي ۽ سجل علي جو پروجيڪٽ ڪڏهن رليز ٿيندو؟ مان ان لاءِ ڏاڍو پرجوش آهيان.
صارف جي سوال تي وهاج علي پاڻ ئي جواب ڏنو ۽ لکيو ته تمام جلد.
واضح رهي ته اداڪار وهاج علي ۽ اداڪارا سجل علي جلد ئي هدايتڪار ڪاشف نثار جي پروجيڪٽ ۾ نظر ايندا، جنهن جي ڪهاڻي بي گل لکي آهي ۽ فلم ”زي“ 5 تي رليز ڪئي ويندي.
