هڪ اڳوڻو سپاهي دهشتگردي ۽ آفيشل سيڪريٽس ايڪٽ جي ڏوهن جي الزام هيٺ لنڊن جي وينڊس ورٿ جيل مان فرار ٿي ويو آهي.
برطانوي ميڊيا موجب جوابدار آفيشل سيڪريٽس ايڪٽ جي ڀڃڪڙي جي الزام ۾ ٽرائل جي انتظار ۾ ڏکڻ لنڊن جي جيل ۾ رمانڊ تي هو.
رپورٽن مطابق اربع جي صبح جيل مان فرار ٿيل اڳوڻي فوجي جي سڄي ملڪ ۾ ڳولا شروع ڪئي وئي آهي.
پرڏيهي ميڊيا موجب جوابدار شيف جي يونيفارم پائي جيل مان فرار ٿي ويو، جنهن لاءِ ايئرپورٽن ۽ بندرگاهن تي اضافي سڪيورٽي مقرر ڪئي وئي آهي.
