لاهور: (اڱارو: 12 مارچ 2024ع) مسلم ليگ(ن) جي اڳواڻ ميان نوازشريف جا پٽ ۽ پنجاب جي وزيراعليٰ مريم نواز جا ڀاءُ حسين نواز ۽ حسن نواز لنڊن کان لاهور پهچي ويا آهن.
ذريعن موجب نواز شريف جاتي عمرا پهچڻ تي پنهنجي ٻنهي پٽن جو استقبال ڪيو. ياد رهي ته حسين نواز ۽ حسن نواز ڪافي وقت کان لنڊن ۾ موجود هئا. گذريل ڏينهن اسلام آباد جي احتساب عدالت ۾ 3 ريفرنسز ۾ نوازشريف جي پٽن حسن نواز ۽ حسين نواز جي گرفتاري وارنٽ جي معطلي جي درخواست داخل ڪئي وئي هئي.
حسن نواز ۽ حسين نواز جي وڪيل چيو ته حسن ۽ حسين نواز 12 مارچ تي پاڪستان اچڻ ۽ احتساب عدالت ۾ پيش ٿيڻ چاهيو ٿي.. جنهن کان پوءِ احتساب عدالت حسن نواز ۽ حسين نواز جا دائمي گرفتاري وارنٽ معطل ڪري ڇڏيا هئا.
عدالت 14 مارچ تائين جي لاءِ ٻنهي جا العزيزيه فليگ شپ ۽ ايون فيلڊ ريفرنس ۾ دائمي گرفتاري جا وارنٽ معطل ڪري ڇڏيا هئا.
