ملڪ جي ٻين شهرن جيان پشاور ۾ به بجلي جي ڊگهي لوڊشيڊنگ جو سلسلو جاري آهي، جتي بجلي جي لوڊشيڊنگ کان تنگ شهرين گرڊ اسٽيشن ۾ داخل ٿي پاڻ بجلي بحال ڪئي

پشاور جي شهرين هزار خواني گرڊ اسٽيشن ٻاهران صوبائي اڳواڻ فضل الاهي جي اڳواڻي ۾ بجلي جي لوڊشيڊنگ خلاف احتجاج ڪيو، جنهن دوران مڇريل ماڻهو گرڊ اسٽيشن ۾ داخل ٿي ويا، جن پاڻ بجلي بحال ڪئي

صوبائي اسيمبلي جي ميمبر فضل الاهي چيو ته سمورا فيڊرز هلايا ويندا ۽ بجلي بحال ڪئي ويندي، جيڪڏهن بجلي بند ٿي ته پوءِ سڀني جي بجلي ڪاٽي ويندي