اسلام آباد: (جمعو: 24 مئي 2024ع) آئل اينڊ گئس ريگوليٽري اٿارٽي ( اوگرا ) ايل اين جي مهانگي ڪري ڇڏي.
اوگرا طرفان مئي لاءِ ايل اين جي جي اگهن ۾ 6 ڏهائي 49 سيڪڙو تائين واڌ جو نوٽيفڪيشن جاري ڪيو ويو آهي.
نوٽيفڪيشن موجب، سوئي ناردرن سسٽم تي ايل اين جي 0.80 ڊالر في ايم ايم بي ٽي يو مهانگي ڪئي وئي آهي.
نوٽيفڪيشن ۾ چيو ويو آهي ته سوئي ناردرن لاءِ ايل اين جي جي نئين قيمت 13.74 ڊالرز في ايم ايم بي ٽي يو مقرر ڪئي وئي آهي.
ان کانسواءِ سوئي سدرن سسٽم تي ايل اين جي 0.86 ڊالر في ايم ايم بي ٽي يو مهانگي ڪئي وئي آهي جنهن کانپوءِ ايل اين جي جي نئين قيمت 14.05 ڊالر في ايم ايم بي ٽي يو مقرر ٿي وئي آهي.
