عورت جي بجاءِ مردن کي تميز سيکارڻ جي ضرورت آهي: ساره خان

ڪراچي: اداڪاره ساره خان چيو آهي ته اسان عورتن جي جڳهه مردن کي تميز سيکارڻ جي ضرورت آهي ته ڪهڙي طريقي سان ڳالهائڻو آهي، ڪيئن اٿڻو ويهڻو آهي ۽ عورتن  کي ڪهڙي طرح ڏسڻو آهي.  پاڪستان شوبز انڊسٽري جي فنڪار لاهور موٽر وي تي عورتن سان ٿيندڙ اجتماعي زيادتي جي واقعي  خلاف احتجاج ڪرڻ ڪراچي پري سڪلب پهتي جتي هن  زيادتي ۾ ملوث جوابدارن کي سخت سزا ڏيڻ جي قانون ۾ تبديلي آڻڻ جو مطالبو ڪندي ملڪ جي عورتن ۽ ٻارن جي حفاظت جي حوالي سان محفوظ ملڪ بنائڻ جو مطالبو ڪيو. احتجاج ۾ ساره خان، ماهره خان، عائشه عمر، منشا پاشا، ياسر حسين، علي رحمان خان سميت ڪيترن ئي فنڪارن شرڪت ڪئي. ان موقعي تي اداڪاره ساره خان چيو ته پهريون  ڀيرو آهي جو ڪنهن احتجاج ۾ شرڪت ڪري رهي آهينا. اسان جي ملڪ ۾ عورتون محفوظ نه آهن عورتون ڇا پر اسان وٽ ته ٻار  ۽ ٻارڙيون به محفوظ نه آهن ان ڪري اسان کي پنهنجي عورتن کي سيکارڻ جي بجاءِ مردن کي سيکارڻ گهرجي ته عورتن کي ڪهڙي طرح سان ڏسڻو آهي ڪهڙي طرح ڳالهائڻو آهي ڪيئن اٿڻو آهي، ڪيئن ويهڻو آهي. ساره خان چيو ته زيادتي جي جوابدارن کي سخت کان سخت سزا ملڻ گهرجي جيڪڏهن سزا نه ملي سگهي ته مان وڏي افسوس سان اهو چوندس ته مان  هاڻ هن ملڪ ۾ رهڻ نٿي چاهيان.  احتجاج ۾ شرڪت ڪندڙ اداڪاره ماهره خان ان موقعي تي هراساني جا واقعا هر جڳهه تي موجود آهن پر اصل مسئلو ذهنيت آهي. عورتن ۽ ٻارن سان زيادتي ڪندڙ شخص کي اها ڳالهه خبر آهي ته مان هي ڪري سگهان ٿو ۽  انهيءَ شيءَ کي اسان کي به سمجهڻ جي ضرورت آهي. زيادتي جي جوابدارن کي ڦاهي جي سزا ڏيڻ جي حوالي سان ماهره خان چيو ته ڦاهي ڏيڻ يا نه ڏيڻ اهو قانوني معاملو آهي پر مان اهو مڃان ٿي ته جوابدارن کي جيڪا به سزا ڏني وڃي اها پوري طرح ڏني وڃي.

Read Previous

آمنه الياس ۽ داور محمود شاديءَ وارين بابت اهم خبر

Read Next

شنگهائي تعاون تنظيم والاريل ڪشمير بابت پاڪستان جي موقف جي حمايت ڪري ڇڏي

Most Popular