واشنگٽن: آمريڪي اختيارين زهريلي مواد سان ڀريل خط جو لفافو ضبط ڪري ورتو جيڪو وائٽ هائوس جي پتي تي صدر ڊونلڊ ٽرمپ لاءِ موڪليو ويو هو. آمريڪي اخبار موجب صدر ٽرمپ لاءِ موڪليل خط ڪينيڊا مان موڪليو ويو هو. لفافي ۾ زهر آلود مواد(رائسن) موجود هو جنهن جي معمولي مقدار به سونگهڻ سان جسم جا عضوا ناڪاره ٿي ويندا آهن. آمريڪي اختيارين خط وائٽ هائوس تائين پهچڻ کان اڳ ئي ضبط ڪري ورتو هو. شڪي خط جي حوالي سان ايف بي آءِ جاچ شروع ڇڏي آهي.
