راولپنڊي: پاڪ فوج جي چوڪي تي باجوڙ سيڪٽر ۾ پاڪ فوج جي چوڪي مٿان سرحد پار کان فائرنگ ڪئي وئي جنهن جي نتيجي ۾ سپاهي صابر شاهه شهيد ٿي ويو. پاڪ افغان بارڊر سان گڏ پاڪ فوج جي چيڪ پوسٽ تي فائرنگ گذريل رات دير سان ڪئي وئي. آءِ ايس پي آر موجب پاڪستان افغانستان سان سرحدي انتظامن جو معاملو باقاعدگي سان اٿاري رهيو آهي پر افغان سرزمين پاڪستان جي خلاف استعمال نه ٿيڻ گهرجي. واضح رهي ته پاڪ افغان بارڊر تي سرحد پار کان فائرنگ جو پهريون واقعو نه آهي پر ان کان اڳ به ڪيترائي ڀيرا اهڙا حملا ٿيا آهن جن ۾ پاڪ فوج جا جوان ۽ شهري شهيد ٿي چڪا آهن.
