اسلام آباد: پاڪستان ٽيلي ڪميونيڪيشن اٿارٽي (پي ٽي اي) آخرڪار شارٽ ويڊيو شيئرنگ ايپليڪيشن ٽڪ ٽاڪ کي اڻ وڻندڙ مواد نه هٽائڻ تي ملڪ ۾ بند ڪري ڇڏيو.پي ي اي طرفان جاري بيان موجب ٽڪ ٽاڪ، ڏنل مدي دوران ايپليڪيشن تان اڻ وڻندڙ ۽ تڪراري مواد کي هٽائڻ ۾ ناڪام رهيو، جنهن جي ڪري ئي ٽڪ ٽاڪ کي ملڪ ۾ بند ڪيو پيو وڃي.پي ٽي اي موجب چيني ايپليڪيشن جي انتظاميا کي هر هر تڪراري ۽ نامناسب مواد هٽائڻ لاءِ هدايتون جاري ڪيون ويون، پر ايپ انتظاميا ائين ڪرڻ ۾ ناڪام رهي.پاڪستان ٽيلي ڪميونيڪيشن اٿارٽي موجب تڪراري ۽ نامناسب مواد کي نه هٽائڻ جي ڪري ئي ٽڪ ٽاڪ تي 9 آڪٽوبر کان پابندي لاڳو ڪئي وئي.
