ڪراچي: اڳوڻو ڪپتان انضمام الحق چوي ٿو ته ڪنهن ” انگلينڊ پلٽ“ کي چيف سليڪٽر ڪيو وڃي. مصباح الحق گذريل ڏينهن چيف سليڪٽر جي عهدي تان فارغ ٿي ويو آهي، هاڻ ان ذميواري لاءِ مختلف اميدوارن جي اڳڪٿي ٿي رهي آهي، اڳوڻي ڪپتان ۽ چيف سليڪٽر انضمام الحق ته واضح چئي ڇڏيو آهي ته اهو عهدو به ڪنهن انگلينڊ مان واپس آيل کي ئي ڏنو وڃي. هن وڌيڪ چيو ته بورڊ جو چيف ايگزيڪيوٽو وسيم خان انهن ماڻهن تي وڌيڪ اعتماد ڪري ٿو جيڪي انگلينڊ ۾ رهي چڪا هجن، جيڪڏهن توهان نئين مينجيمينٽ کي ڏسندئو ته 10 مان 6 جو تعلق انگلينڊ سان ئي آهي.
