نوشهروفيروز(ڊ ر)سنڌ مان جبري طور گم ٿيل قومي ۽ سياسي ڪارڪنن جي آزادي لاءِ 31 آڪٽوبر تي مورو باءِ پاس کان پريس ڪلب تائين رٿيل احتجاجي مظاهري ۾ شرڪت لاءِ سنڌ جو ناميارو اديب تاج جويو نوشهروفيروز پهچي مختلف سياسي سماجي ڌرين ۽ پريس ڪلب نوشهروفيروز جي صحافين ۽ بار ڪائونسل جي وڪيلن سان ملاقات ڪري مظاهري ۾ شرڪت جي دعوت ڏني گڏجاڻين ۾ مورو ۽ نوشهروفيروز بار ايسوسيئيشن جي ميمبرن ۽ پريس ڪلب جي قلم ڌڻين نه رڳو آجيان ڪئي پر احتجاج ۾ ڀرپور شرڪت جو يقين پڻ ڏياريو. ان موقعي تي نامياري اديب تاج جويي صحافين سان ڳالهائيندي چيو ته سنڌ مان سوين قومي سياسي ڪارڪن، شاگرد، صحافي، وڪيل ۽ استاد کنڀيا ويا آهن انهن کي فوري طور آزاد ڪرڻ جو مطالبو ڪريون ٿا ۽ جيڪڏهن مٿن ڪو الزام آهي ته کين عدالتن ۾ پيش ڪيو وڃي. ان موقعي تي عزيزالله ٻوهيو، شاهه لطيف مورائي، اسد سولنگي، گل مورو ۽ ٻيا پڻ موجود هيا.
