دادو : جوهي دادو روڊ تي ٻن موٽر سائيڪلن وچ ۾ زوردار ٽڪر ٿي پيو آهي جنهن جي نتيجي ۾ هڪ ڄڻو فوت جڏهن ته ٻن عورتن سميت ٽي زخمي ٿي پيا آهن, جوهي دادو روڊ تي روستماڻي موري وٽ حادثي سبب ڳوٺ ميان جي ڪنڊي جو رهواسي اڪبر جمالي فوت ٿي ويو آهي جڏهن ته سندس امڙ مهناز , گهرواري جميلان ۽ خان چند اوڏ زخمي ٿي پيا آهن, فوتي جو لاش ۽ زخمين کي تعلقه اسپتال جوهي منتقل ڪيو ويو آهي, جوهي پوليس ٻنهي موٽرسائيڪلن کي تحويل ۾ وٺي خانچند اوڏ کي گرفتار ڪري ورتو آهي
