![](https://dailyaas.com.pk/wp-content/uploads/2020/11/WhatsApp-Image-2020-11-16-at-6.53.45-PM-e1605536981899.jpeg)
خيرپور (ڊر) ڪوٽڏيجي تعلقي جي ڳوٺ راڄپاري جي رهواسين مسمات بي بي صنم شاهه، غلام فاطمه، سجاد شاهه، نعيم شاهه ۽ ٻين پريس ڪلب خيرپور آڏو احتجاج ڪندي ٻڌايو ته بااثر وڏيري سونل شاهه جي چرچ تي سيد عامر شاهه پنهنجي زال سيد صنم شاهه مٿان بنا جواز تشدد ڪيو، تشدد جي اطلاع تي صنم شاهه جي امڙ ۽ ڀائر واقعي واري هنڌ پهتا ته جوابدارن سيد عامر شاهه، رحم علي شاهه، زوهيب شاهه، انيس شاهه ۽ ٻين تشدد ڪري اسان کي به زخمي ڪري ڇڏيو، جنهن جي فرياد کڻي حد جي ٿاڻي ڪوٽڏيجي تي وياسين پر پوليس بااثرن خلاف ڪو به قدم نه کنيو، هنن ايس ايس پي خيرپور کان مطالبو ڪيو ته واقعي جو نوٽيس وٺي انصاف ۽ تحفظ فراهم ڪيو وڃي، ٻي صورت سخت احتجاج ڪيو ويندو.