قومي ڪرڪيٽ ٽيم جو اڳوڻو ڪپتان رميز راجا پاڪستان ڪرڪيٽ بورڊ جو نئون چيئرمين چونڊجي ويو.
اڳوڻو ڪپتان ۽ ناليوارو ڪمينٽريٽر رميز بنا مقابلي پي سي بي جو 36هين چيئرمين چونڊجي ويو، عبدالحفيظ ڪاردار، جاويد برڪي ۽ اعجاز بٽ کانپوءِ هو چوٿون ڪرڪيٽر ۽ ٽيون اڳوڻو ڪپتان آهي، جنهن ڪرڪيٽ بورڊ سربراهه طور چارج سنڀالي آهي.
نيشنل هاءِ پرفارمنس سينٽر ۾ چيف اليڪشن ڪمشنر جسٽس جسٽس رٽائرڊ عظمت شيخ طرفان گورننگ بورڊ جي خاص اجلاس ۾ رميز راجا جي ڀيٽ ۾ ڪو اميدوار سامهون نه آيو، جنهن کانپوءِ چيف اليڪشن ڪمشنر رميز راجا کي ڪرڪيٽ بورڊ جو نئون سربراهه بڻجڻ جو باقاعده اعلان ڪيو.
گورننگ بورڊ اجلاس ۾ اسد علي خان، جواد قريشي، عاصم واجد جواد، عارف سعيد ۽ عاليا ظفر شرڪت ڪئي، جڏهن ته پي سي بي چيف ايگزيڪيوٽو وسيم خان به اجلاس جو حصو هو.
