چين ۾ هڪ بس جي ڊرائيور حاضر دماغي جو مظاهرو ڪندي ماءُ کي پُٽ سميت خودڪشي ڪرڻ کان روڪي ورتو.
چيني ميڊيا موجب واقعو چين جي صوبي گوانگ دونگ جي شهر گوانگ زو ۾ پيش آيو.
سوشل ميڊيا تي وائرل ٿيل وڊيو ۾ ڏسي سگهجي ٿو ته هڪ بس ڊرائيور اوچتو بس روڪي سيٽ بيلٽ کولي هيٺ ڀڄي ٿو ۽ پُل تان هيٺ ٽپو ڏيندڙ عورت کي پڪڙي وٺي ٿو.
عورت پنهنجي معصوم ٻار کي جهولي ۾ به کڻي ڇڏيو هو ۽ هوءَ هيٺ ٽپو ڏيڻ تي ئي هئي ته بس ڊرائيور پهچي ويو ۽ انکي پڪڙي ورتو.
جنهن کانپوءِ بس مان ٻيا مسافر به لهي آيا ۽ هنن سڀ کان اڳ ۾ عورت کان ٻار کي الڳ ڪيو ۽ پوءِ زبردستي عورت کي به بس ۾ مٿي سوار ڪرايو.
