ڀارت جي ليجنڊ اداڪار اميتاڀ بچن جي زال اداڪارا جيا بچن ڪورونا وائرس جو شڪار ٿي وئي.
ڀارتي ميڊيا رپورٽن موجب جيا بچن ۽ شبانا اعظمي ڪورونا ۾ مبتلا هجڻ سبب ڪرن جوهر جي ملٽي اسٽارر فلم ”راڪي اور راني ڪي پريم ڪهاني“ جي شوٽنگ ملتوي ڪئي وئي آهي.
ڀارتي ميڊيا موجب شبانا اعظمي ۽ جيا بچن ڪرن جوهر جي ايندڙ مٿي ڄاڻايل فلم ۾ اهم ڪردار ۾ نظر اينديون.
فلم ۾ جيا ۽ شبانا اعظمي کانسواءِ رنوير سنگهه ۽ عاليا ڀٽ به اداڪاري ڪندي نظر ايندا جڏهن ته فلم 2023ع ۾ رليز ڪئي ويندي.
واضح رهي ته ڪجهه ڏينهن اڳ اداڪارا شبانا اعظمي جي به ڪورونا وائرس ٽيسٽ مثبت آئي هئي.
