جو بائيڊن انتظاميا ڌمڪي ڏني آهي ته جيڪڏهن ايپ جا چيني مالڪ سوشل ميڊيا پليٽ فارم تان پنهنجو شيئر ختم ڪرڻ تي راضي نه ٿيا ته آمريڪا ۾ ٽڪ ٽاڪ تي پابندي لڳائي ويندي.
آمريڪا ۾ پرڏيهي سيڙپڪاري تي ڪميٽي جي نالي سان سڃاتو ويندڙ ملٽي ايجنسي پينل الٽيميٽم ڏنو آهي، وفاقي آفيسرن موجب ٽڪ ٽاڪ جي چين سان لاڳاپا پريشان ڪندڙ آهن.
وال اسٽريٽ جرنل پهرين درخواست جي رپورٽ ڪئي، ٽڪ ٽاڪ بعد ۾ تصديق ڪئي ته سي ايف آءِ يو ايس ڪمپني سان رابطو ڪيو ۽ چيو ته اهو جرنل جي رپورٽ سان اختلاف نٿو ڪري.
ٽڪ ٽاڪ ترجمان مورين شانهان هڪ بيان ۾ آمريڪي حڪومت جي درخواست جي تفصيل تي بحث ڪرڻ کان انڪار ڪندي چيو آهي ته جيڪڏهن قومي سلامتي مقصد آهي ته پوءِ ورهاڱي سان مسئلو حل نه ٿيندو.
هن چيو ته ملڪيت ۾ تبديلي ڊيٽا جي وهڪري يا رسائي تي ڪي به نئين پابنديون لاڳو نه ڪندي، قومي سلامتي جي خدشن کي حل ڪرڻ جو بهترين ۽ شفاف طريقو آمريڪي صارفين جي ڊيٽا جو تحفظ آهي، مضبوط ٽئين پارٽي جي نگراني، جانچ ۽ تصديق اڳ ۾ ئي لاڳو ڪريون ٿا.
هڪ گروپ جيڪو خزاني، انصاف، هوم لينڊ سيڪيورٽي، دفاع ۽ ڪامرس جي شعبن تي ٻڌل آهي، جيڪو ٻن سالن کان وڌيڪ عرصي کان، ٽڪ ٽاڪ سان هڪ ڊيل تي ڳالهين ڪري رهيو آهي.
آمريڪي عملدارن خدشو ظاهر ڪيو آهي ته چيني حڪومت ٽڪ ٽاڪ يا ان جي چيني سرپرست ڪمپني بائيٽ ڊانس تي پنهنجي قومي سلامتي قانونن کي استعمال ڪري دٻاءُ وجهي سگهي ٿي.
عملدارن موجب چين ٽڪ ٽاڪ جي آمريڪي صارفين جي ذاتي معلومات هٿ ڪرڻ يا انٽيليجنس سرگرمين کي هٿي ڏيڻ واري مهم کي فائدو پهچڻ لاءِ استعمال ڪري سگهي ٿي.
سي ايف آءِ يو ايس جي سربراهي ڪندڙ فنانس کاتي سموري صورتحال تي تبصرو ڪرڻ کان انڪار ڪيو آهي.
