ٽڪ ٽاڪر حريم شاهه جي وڊيو ليڪ ڪيس ۾ عدالت جوابدار صندل خٽڪ کي جوڊيشل رمانڊ تي اڊيالا جيل موڪلي ڇڏيو.
اسلام آباد جي ڊسٽرڪٽ اينڊ سيشن ڪورٽ ۾ جڊيشل مئجسٽريٽ شبير ڀٽي ٽڪ ٽاڪر حريم شاهه جي وڊيو ليڪ ٽڪ ٽاڪر صندل خٽڪ خلاف ڪيس جي ٻڌڻي ڪئي.
هوڏانهن ٽڪ ٽاڪر صندل خٽڪ کي ريمانڊ لاءِ مئجسٽريٽ جي عدالت ۾ پيش ڪيو ويو.
ٻڌڻي دوران ايف آءِ اي جي جاچ آفيسر صندل خٽڪ جي 5 ڏينهن جي جسماني رمانڊ جي استدعا ڪئي.
عدالت کان صندل خٽڪ جي جسماني رمانڊ جي درخواست ڪندي جاچ آفيسر چيو ته جوابدار عائشه ناز کان جاچ ڪئي پئي وڃي، وڌيڪ تفصيل وٺڻا آهن.
