عالمي مالياتي فنڊ (آئي ايم ايف) ۽ پاڪستان حتمي معاهدي جي ويجهو آهن، هڪ باضابطه اعلان جو جلد امڪان آهي.
ذريعن موجب پاڪستان ۽ آءِ ايم ايف وچ ۾ نائين اليون جي جائزي ۽ پروگرام جي بحالي ۾ رڪاوٽون ختم ٿي ويون آهن.
اها اڳڀرائي پيرس ۾ وزيراعظم شهباز شريف ۽ آءِ ايم ايف جي مئنيجنگ ڊائريڪٽر (ايم ڊي) وچ ۾ رابطن ۽ ملاقاتن ۾ ٿي.
ذريعن جو چوڻ آهي ته ناڻي واري وزارت ۽ آءِ ايم ايف جي ٽيم وچ ۾ ڳالهيون 3 ڏينهن جاري رهيون، جمعي ۽ ڇنڇر جي وچ ۾ رات دير سان ڳالهين ۽ نئين ڊرافٽ جي تياري تي ڳالهيون جاري رهيون.
ناڻي وارو وزير اسحاق ڊار ۽ سندس ٽيم گذريل 3 ڏينهن کان معاملا طئي ڪرڻ ۾ مصروف هئي.
ذريعن دعويٰ ڪئي آهي ته آءِ ايم ايف ۽ ناڻي واري وزارت جي ٽيم ڇنڇر جي صبح نئين ڊرافٽ کي حتمي شڪل ڏني ۽ آءِ ايم ايف ۽ پاڪستان وچ ۾ وڌيڪ مسئلا يا ٽيڪنيڪل مشڪلات نه هئڻ جي صورت ۾ نائين جائزي کي مڪمل ڪيو ويندو.
