نيويارڪ سٽي جي ٽائمز اسڪوائر سب وي اسٽيشن اندر پاڻي جو پائپ ڀڃجي ويو، جنهن جي نتيجي ۾ سب وي اسٽيشن پاڻي سان ڀرجي وئي.
پرڏيهي ميڊيا موجب پاڻي جو پائپ ٽٽڻ سبب 1.8 ملين گيلن پاڻي ضايع ٿي ويو ۽ اسٽيشن کي پاڻي ڀرڻ بعد ميٽرو ٽرين جي آمد و رفت روڪي وئي، جنهن سبب ڪيترن ئي علائقن ۾ پاڻي بند ٿيڻو پيو.
رپورٽن مطابق متاثر ٿيل سب وي اسٽيشن سڄي سال ۾ هفتي ۾ ست ڏينهن 24 ڪلاڪ هلندي آهي.
پرڏيهي ميڊيا موجب اسٽيشن تي ٻوڏ اچڻ جي اطلاع کانپوءِ اسٽيشن کي بحال ڪرڻ لاءِ آپريشن شروع ڪيو ويو آهي.
