سوشل ميڊيا ذريعن کان خبر سامهون آئي آهي ته ڪرڪيٽر شاهين شاهه آفريدي ايشيا ڪپ ختم ٿيڻ کان فوري پوءِ پنهنجي ڪنوار کي گهر آڻيندو.
ڪرڪيٽر شاهين شاهه آفريدي ۽ اڳوڻي ڪپتان شاهد آفريدي جي ڌيءَ انشا آفريدي هلندڙ سال 3 فيبروري تي ڪراچي ۾ شادي جي ٻنڌڻن ۾ ٻڌجي وئي.
هاڻ سوشل ميڊيا تي وائرل ٿيندڙ خبرن ۽ شادي جي ڪارڊن موجب قومي ٽيم جو فاسٽ بالر شاهين آفريدي هلندڙ مهيني 19 سيپٽمبر تي پنهنجي گهرواري انشا آفريدي سان شادي ڪندو ۽ کيس گهر وٺي ويندو.
اها خبر نه رڳو پاڪستان پر ڀارت ۾ به باهه وانگر پکڙجي وئي آهي.
سوشل ميڊيا تي وائرل رپورٽن ۾ دعويٰ ڪئي وئي آهي ته شاهين ۽ انشا جي شادي ايشيا ڪپ کانپوءِ 19 سيپٽمبر تي ٿيندي، جڏهن ته وليم 21 سيپٽمبر تي اسلام آباد ۾ ٿيندي.
واضح رهي ته ايشيا ڪپ 2023ع ۾ پاڪستان ۽ سريلنڪا وچ ۾ کيڏيو ويندڙ ميچ 17 سيپٽمبر تي ختم ٿي ويندي.
