پنجاب مان 10 سال اڳ مبينا اغوا بعد قاضي احمد ۾ وڪرو ڪيل عورت ٽن ٻارن سوڌو بازياب، پوليس موجب رات دير سان ڳوٺ شبير علي کوسو ويجهو ڇاپو هڻي وڪرو ڪيل عورت طاهرا بتول کي ٽن ٻارن سميت بازياب ڪرايو ويو، عورت جو مڙس هجڻ جو دعويدار ڪريم بخش کوسو گرفتار، ايس ايڇ او قاضي احمد موجب طاهره بتول ٻڌايو ته پنجاب ۾ سندس شادي ٿيل هئي، 10 سال اڳ دلالن اغوا ڪري قاضي احمد ۾ وڪرو ڪري ڪريم بخش کوسو سان جبري طور پرڻايو، جنهن مان 7 سالن جي مريم، 5 سالن جو ذيشان ۽ 4 سالن جي ڪائنات نالي 3 ٻار آهن، بازياب ڪرايل عورت کي ٻارن سوڌو اڄ عدالت ۾ پيش ڪيو ويندو
