لاهور: اداڪاره عائزه خان سوشل ميڊيا تي مشهوري جو نئون رڪارڊ قائم ڪندي اداڪاره ماهره خان کي پوئتي ڇڏي ڏنو آهي. ميڊيا رپورٽ موجب عائزه خان جي انسٽاگرام تي فالوورز جو انگ 70 لک کان مٿي ٿي ويو آهي. جڏهن ته ماهره خان جي فالوورز جو انگ 66 لک آهي. عائزه خان اها منزل حاصل ڪرڻ کان پوءِ ايمن خان کان پوءِ ٻئي مشهور پاڪستاني اداڪاره بڻجي وئي آهي. ايمن خان جي فالوورز جو انگ 73 لک آهي. ٻئي طرف اداڪاره اقرا عزيز انسٽاگرام تي 50 لک فالوورز جي منزل حاصل ڪري ورتي آهي. عائزه خان پنهنجي پسنديدگي تي مداحن جو ٿورو ادا ڪيو آهي.
