لنڊن: عالمي وبا ڪورونا وائرس دوران سوشل شيئرنگ ايپلي ڪيشن اسنيپ چيٽ جي آمدني ۾ تيزي سان واڌ ٿي آهي. پرڏيهي خبرون ڏيندڙ اداري موجب ڪورونا وائرس جي دوران سوشل شيئرنگ ايپليڪيشن اسنيپ چيٽ جي صارفين ۾ واڌ ڏسڻ ۾ آئي آهي جنهن جي نتيجي ۾ ڪمپني جي آمدني ۾ 23 سيڪڙو واڌ ٿي آهي. ڪمپني طرفان جاري ڪيل بيان ۾ ٻڌايو ويو آهي ته اسنيپ چيٽ جي ڊيلي ايڪٽيو يوزرز جي انگ ۾ 18 سيڪڙو واڌ ٿي آهي. جڏهن ته ڪمپني جي آمدني ۾ بنيادي طور تي ايپ تي اشتهارن مان 52 سيڪڙو واڌ ٿي آهي. چيو پيو وڃي ته گذريل ٽن مهينن دوران ڪمپني جي ساک ۾ بهتري نظر آئي آهي ڇو ته هن وقت سوشل ميڊيا جي مشهور ترين پليٽ فارم فيس بڪ تي چڙ ڏياريندڙ بيان جي آڌار تي جولاءِ ۾ تقريبن سوين ڪمپنين اشتهارن جو بائيڪاٽ ڪري ڇڏيو هو. ٻئي طرف مشهور ترين چيني لپ سنڪنگ ايپ ٽڪ ٽاڪ تي به ڪيترن ئي ملڪن طرفان پابنديون لاڳو ڪيون ويون هيون.
