توانائي بابت وفاقي وزير حماد اظهر خبردار ڪيو آهي ته بجلي چوري وارن علائقن ۾ لوڊشيڊنگ وڌي سگهي ٿي.
ٽوئيٽر تي اڄ صبح جاري ڪيل بيان ۾ حماد اظهر چيو ته گذريل 48 ڪلاڪن ۾ سسٽم ۾ 1500 ميگا واٽ بجلي شامل ڪئي ۽ سسٽم ۾ اڄ وڌيڪ بجلي شامل ڪئي ويندي.
هن ٻڌايو ته گذريل 12 ڪلاڪن دوران ڪٿي به لوڊشيڊنگ نه ڪئي وئي پر بجلي چوري وارن علائقن ۾ لوڊشيڊنگ وڌي سگهي ٿي، جڏهن ته مقامي سطح تي پهچ نظام ۾ بريڪ ڊائون تي به بجلي معطل ٿي سگهي ٿي.
سندس چوڻ هو ته بجلي ورهائيندڙ سڀني ڪمپنين ۾ غير اعلانيل لوڊشيڊنگ ٻڙي آهي پر جن علائقن ۾ بجلي بندش آهي، اتي سبب عدم ادائيگي آهي ۽ سسٽم ۾ ٽيڪنيڪي مسئلن سبب بجلي بندش کي منهن ڏئي سگهجي ٿو.
